[:am]Գևորգ Աֆրիկյան[:]

[:am]

❓ Լսե՞լ եք Գևորգ Աֆրիկյանի մասին:

 

Գևորգը Հայաստանի պաուերլիֆտինգի (ուժային եռամարտ) ֆեդերացիայի հավաքականի անդամ է:

 

✅ Դյուցազնագրքի ռեկորդակիր է դարձել 9️⃣ անգամ:

✅ Եվրոպայի բազմակի չեմպիոն է 🏅:

✅ Նկարահանման պահին նա աշխարհի եռակի չեմպիոն էր, բայց հաշված օրեր առաջ հաղթեց պաուերլիֆտինգի աշխարհի առաջնությունում և սահմանեց 2 աշխարհի ռեկորդ: 💪

 

✅ Գևորգը նաև հայտ է ներկայացրել Գինեսի ռեկորդների գրքում ընդգրկվելու համար: 👏 Հուսանք շատ շուտով կստանա դրական պատասխան:

 

Ու թեև Գևորգն ի ծնե ունի հենաշարժողական խնդիրներ, դա չի խանգարում նրան այս ամենի հետ մեկտեղ մասնակցել արշվաների, ուխտագնացությունների, զբաղվել լեռնագնացությամբ 🧗🏻 ու ձիավարությամբ 🏇 և վարել շատ ակտիվ կյանք: 👍

 

✅ Գևորգը նաև սեմինարներ է վարում հաշմանդամություն ունեցող երեխաների և նրանց ծնողների համար և փորձում է իր օրինակով ցույց տալ, որ հաշմանդմությունը դատավճիռ չէ:

 

✅ Եվ քանի որ Գևորգը միշտ ձգտում է օգնել մարդկանց, Գավառ քաղաքում բացել է «Աֆրիկյան Ջիմ» մարզասրահը 🏋🏻‍♀️, որտեղ մարզում է տարբեր տարիքի երեխաների և աշխատում է հատուկ կարիքով երեխաների հետ: 😍

 

Գևորգը շատ մեծ կամքի ուժի տեր բացառիկ անձնավորություն է, հաստատակամ, ուժեղ, ազնիվ, բարի, օգնող, անչափ ընկերասեր ու նվիրված: 💙

Եթե մի օր ձեր երեխաները 👦🏻👧 ծուլանան կամ ասեն «չեմ կարող», «դժվար է»…, ցույց տվեք այս տեսանյութը և հիշեցրեք Գևորգի նշանաբանը.

«Կարող են բոլորը` կարող եմ նաև ես, չի կարող ոչ ոք` ես կլինեմ առաջինը»: 💪

 

Հաջողություն մաղթենք Գևորգին: 👍

Թող բազկիդ ուժը չպակասի Գևորգ ջան, եղի՛ր առողջ և երջանիկ: 🥰

 

[:]